ქართული ანბანის სრულყოფილება „საინის” თითოეულ ნივთში. „საინი" წარმოგიდგენთ ქართული ანბანის ასო-ნიშნების საფუძველზე შექმნილ ახალ ქართულ ორნამენტებს. ქართული ანბანის ასოებით, სათანადო გეომეტრიულ სისტემაზე დაყრდნობით და ბრუნვის ტექნოლოგიის გამოყენებით ორნამენტების შექმნა ხელოვანების, ნინო სლეპჩენკოს და ლევან ვათეიშვილის, საავტორო კონცეფციაა. ამ დროისათვის ნინოს მიერ შექმნილია 2000-მდე უნიკალური ორნამენტი და დაცულია საავტორო უფლებით, რომლებიც მხოლოდ „საინის“ მიერ შექმნილ სხვადასხვა პროდუქციაზე გამოიყენება. ავტორის დაკვირვებით, იმავე ტექნოლოგიის გამოყენება სხვა ენების ანბანებთან მიმართებით, არ იძლევა ამგვარ სრულყოფილ შედეგს. "საინი" მომხმარებელს თავაზობს ქართული ანბანის ასო-ნიშანთა ორნამენტებით შემკულ ფაიფურის ჭურჭელს, სანათებს, ინტერიერის დიზაინ ობიექტებს და განსხვავებულ სახლის ნივთებს, დეკორატიულ სარკეებს, კერამიკულ ფილებს, ტექსტილს, საიუველირო სამკაულებს, სასუვენირო ნივთებს და ექსკლუზიურ საჩუქრებს.