SILKROOM გალერეა-სახელოსნოა, რომელიც 2017 წელს დაარსა მხატვარმა ეკა ხუნწარიამ. SR-ში განთავსებულია ეკას სახელოსნო და საგამოფენო სივრცე. ეკა ხუნწარია 1994 წლიდან დაინტერესდა აბრეშუმზე ხატვის ტექნიკით, ეკას მიზანი იყო ქსოვილზე ხატვა დეკორატიული ხელოვნების კატეგორიიდან გამოეყვანა და სახვითი ხელოვნების ნაწილად ექცია. მისი ნამუშევრების უსასრულო სივრცეში ჰარმონიულად თანაარსებობენ სხვა და სხვა კულტურის არტეფაქტები. როგორც მხატვარი ამბობს, ფორმის, პლასტიკისა და ფერის თამაშით ცდილობს სრულყოფილებამდე მიიყვანოს ნახატი. მისი ნამუშევრების მთავარი ინსპირაციის წყარო ბუნებაა. SR - ის სივრცეში წარმოდგენილია: ფერწერა აბრეშუმზე, ხელით მოხატული აბრეშუმის თავშლები, ბალიშის პირები, თეჯირები. მისი ნამუშევრები ამშვენებს და სიმყუდროვეს ქმნის როგორც სახლის ინტერიერებში, აგრეთვე ოფისებსში, სასტუმროებში. ეკას ნამუშევრები ინახება საქართველოსა და სხვა და სხვა ქვეყნებისკერძო კოლექციებში.