„დედიკო“ სოციალური საწარმოა, რომელიც მარტოხელა დედებისა და მზრუნველი ქალების მხარდასაჭერად შეიქმნა, ეხმარება მათ პროფესიის შეძენასა და ფინანსურ დამოუკიდებლობაში. მათი ხელნაკეთი ზურგჩანთები, გულჩანთები თუ საოფისე ჩანთები, საყოფაცხოვრებო ტექსტილი (სუფრები, რანერები) და ბავშვებისთვის შექმნილი პროდუქცია იკერება უმაღლესი ხარისხის ნატურალური მასალით, რაც მათ განსაკუთრებულად სასიამოვნოსა და ეკომეგობრულს ხდის.

ქარგე პირველი ქართული საქარგი ნაკრებია, რომელშიც დაგხვდება ყველაფერი სრულყოფილი ნაქარგის შესაქმნელად - შერჩეული დიზაინის სქემა, ინსტრუქცია, კანვა, ძაფები, საქარგი ნემსი, ჩარჩო და ჩარჩოს საკიდი, ასევე ქარგეს კატალოგი და სტიკერები. ჩვენი მისიაა დაგარწმუნოთ, რომ სურვილის შემთხვევაში, ნებისმიერ თქვენგანს შეგიძლიათ ქარგვა (რეკომენდებული ასაკია 10+). გარდა განტვირთვის საშუალებისა, ქარგვა კარგია მოტორული უნარების გასაუმჯობესებლად და ასევე აქვს გონების განმავითარებელი ფუნქციაც, რაც გამოიხატება ქარგვის "ჭკვიანური გზების" მოძებნაში. დიდი ნაქარგებისგან განსხვავებით, ქარგეს თითოეული ნაქარგის შექმნა შესაძლებელია მოკლე ვადაში (ერთი ან რამოდენიმე დღე), რაც განსაკუთრებით მნიშვნელოვანი გამოცდილებაა დამწყებთათვის. ქარგე საუკეთესო საჩუქარია როგორც საკუთარი თავისთვის, ასევე მეგობრებისა თუ ძვირფასი ადამიანებისთვის როგორც მოსაქარგი, ასევე შენი ხელით მოქარგული სახით. ქარგე და დაამშვენე სივრცე საკუთარი ნაქარგით!

გამომცემლობა ცნობისმოყვარე ადამიანებისთვის