პროდუქტის აღწერა

ბაბალეს წინდის ეს დიზაინი შალვა ქიქოძის „გურული ქალის პორტრეტის“ თანამედროვე ინტერპრეტაციაა, რომელიც მხატვრის ნატიფ სტილსა და ნოსტალგიურ ემოციებს ახლებურად აცოცხლებს. შალვა ქიქოძე (1894–1921) თანამედროვე ქართული მხატვრობის ერთ-ერთი უმნიშვნელოვანესი ფიგურაა, რომელმაც მიუხედავად ხანმოკლე სიცოცხლისა, შეძლო ქართული კულტურის ისტორიაში ღირსეული ადგილი დაეკავებინა. წარმოშობით გურიიდან, ქიქოძე ცნობილია თავისი ნატიფი სტილითა და ემოციური სიღრმით. „გურული ქალის პორტრეტი“ მან სიცოცხლის ბოლო წლებში, სამშობლოდან შორს, მონატრებულმა დახატა. ბაბალემ ეს პორტრეტი წინდების დიზაინში გააცოცხლა — ნამუშევარი, რომელიც დღეს თანამედროვე მომხმარებლების დიდ მოწონებას იმსახურებს.