ბრენდის ისტორია 8–9 წლის წინ იწყება, როდესაც სამკაულებისადმი სიყვარულმა და პირადმა გამოცდილებამ მისი დამფუძნებელი ახალი გზისკენ წაიყვანა. საყვარელი საყურეების დაკარგვამ იმ გზამდე მიიყვანა, რომ ჯერ იდენტური ნივთების შექმნა სცადა, შემდეგ კი საკუთარი დიზაინის შექმნაზე გადავიდა. თავდაპირველად მეგობრებისთვის განკუთვნილი საჩუქრები დროთა განმავლობაში უნიკალურ ხელნაკეთ კოლექციად ჩამოყალიბდა. ასე შეიქმნა ბრენდი, რომელიც აერთიანებს ხელოვნებას, ხელოსნობას და ბუნებაში ჰარმონიაში მყოფ დიზაინს. თითოეული სამკაული მზადდება ხელით, 925 სინჯის ვერცხლით, ბუნებრივი ქვებითა და ზღვის ნაპირზე ნაპოვნი შუშის ან კერამიკის ნატეხებით, რომლებსაც ზღვა თავისებურად ამუშავებს. სწორედ ამიტომ, თითოეული დეტალი უნიკალურია და მასობრივი წარმოებისგან მკვეთრად განსხვავებული. ბრენდი ეკომეგობრულია, შერჩეული მასალები მდგრადია, ბუნებრივი და არაერთხელ გამოყენებული. ეს დეტალები აცოცხლებს ნივთებს, რომლებსაც, შესაძლოა, ზღვის ფსკერზე ათწლეულები ჰქონდათ გატარებული.